വന്ദനം യേശുപരാ! നിനക്കെന്നും
വന്ദനം യേശുപരാ!
വന്ദനം ചെയ്യുന്നു നിന്നടിയാര്‍ തിരു
നാമത്തിന്നാദരവായ്.
ചരണങ്ങള്‍
1. ഇന്നു നിന്‍ സന്നിധിയില്‍ അടിയാര്‍ക്കു
വന്നു ചേരുവതിനായ്
തന്ന നിന്നുന്നതമാം കൃപയ്ക്കഭി-
വന്ദനം ചെയ്തിടുന്നേ (വന്ദനം..)
2. നിന്‍രുധിരമതിനാല്‍ - പ്രതിഷ്ഠിച്ച
ജീവപുതുവഴിയായ്‌
നിന്നടിയാര്‍ക്കു-പിതാവിന്‍ സന്നിധൌ
വന്നിടാമേ സതതം (വന്ദനം..)
3. ഇത്ര മഹത്വമുള്ള പദവിയെ
ഇപ്പുഴുക്കള്‍ക്കരുളാന്‍
പാത്രതയേതുമില്ല - നിന്‍റെ കൃപ
എത്ര വിചിത്രമഹോ (വന്ദനം..)
4. വാനദൂതഗണങ്ങള്‍ - മനോഹര
ഗാനങ്ങളാല്‍ സതതം
ഊനമെന്യേ പുകഴ്ത്തി സ്തുതിക്കുന്ന
വാനവനേ നിനക്കു (വന്ദനം..)
5. മന്നരില്‍ മന്നവന്‍ നീ-മനുകുല-
ത്തിന്നു രക്ഷാകാരന്‍ നീ
മിന്നും പ്രഭാവമുള്ളോന്‍ പിതാവിന്നു
സന്നിഭന്‍ നീയല്ലയോ (വന്ദനം..)
6. നീയൊഴികെ ഞങ്ങള്‍ക്കു - സുരലോകെ
ആരുള്ളു ജീവനാഥാ!
നീയൊഴികെ ഇഹത്തില്‍ മറ്റാരുമി-
ല്ലാഗ്രഹിപ്പാന്‍ പരനേ (വന്ദനം..)
Vandanam yeshuparaa! Ninakkennum
Vandanam yeshuparaa!
Vandanam cheyyunnu ninnadiyr thiru
Naamatthinnaadaravaayu.
1. Innu nin sannidhiyil Adiyaarku
Vannu cheruvathinaayu
Thanna ninnunnathamaam krupaykkabhi-
Vandanam cheythidunnu(vandanam..)
2. Nin rudhiramathinaal -Prathishdticcha
Jeevaputhuvazhiyaay
NinnaTiyaarkku-pithaavin sannidhou
VanniTaame sathatham (vandanam..)
3.Ithra mahathvamulla padaviye
Ippuzhukkalkkarulaan
Paathrathayethumilla - ninre krupa
Ethra vichithramaho (vandanam..)
4. Vaanadoothaganangal - manohara
Gaanangalaal sathatham
Oonamenye pukazhtthi sthuthikkunna
Vaanavane ninakku (vandanam..)
5. Mannaril mannavan nee-manukula-
Tthinnu rakshaakaaran nee
Minnum prabhaavamullon pithaavinnu
Sannibhan neeyallayo (vandanam..)
6. Neeyozhike njangalkku - Suraloke
Aarullu jeevanaathaa!
Neeyozhike Ihatthil mattaaru-
Millagrahippan parane (vandanam..)
Lyrics: P V Thommi
Hindi translation available| Use the link|
Taareef ho yishu teri
No comments:
Post a Comment